तिलोत्तमाका १५५ स्ववासी परिवारले पाए लालपुर्जा

तिलोत्तमाका १५५ स्ववासी परिवारले पाए लालपुर्जा

काठमाडौं । रुपन्देहीको तिलोत्तमा नगरपालिका–१६ (साविक मधवलिया गाविस) का १५५ स्ववासी परिवारले नापजाँच सम्पन्न भएको करिब तीन वर्षपछि जग्गाधनी प्रमाणपुर्जा (लालपुर्जा) प्राप्त गरेका छन्।

लामो समयदेखि स्ववासीका रूपमा बसोबास गर्दै आएका स्थानीय १५५ परिवारले आफ्नो जग्गामाथिको कानुनी स्वामित्व औपचारिक रूपमा प्राप्त गरेका हुन्। नापी कार्यालय रुपन्देहीले आवश्यक कानुनी प्रक्रिया पूरा गरी उनीहरूलाई जग्गाधनी प्रमाणपुर्जा वितरण गरेको हो।

उक्त क्षेत्रको नापजाँच २०८० सालमै सम्पन्न भएको थियो। तर नापनक्साको काम पूरा भए पनि आवश्यक कानुनी तथा प्रशासनिक प्रक्रिया अघि बढ्न नसक्दा लामो समयसम्म लालपुर्जा वितरण हुन सकेको थिएन। लामो समयदेखि रोकिएको प्रक्रिया अघि बढेसँगै अहिले ती परिवारले जग्गाधनी प्रमाणपुर्जा प्राप्त गरेका हुन्।

लालपुर्जा प्राप्त भएसँगै स्ववासीका रूपमा बसोबास गर्दै आएका परिवारको जग्गामाथिको कानुनी स्वामित्व स्थापित भएको छ। यसबाट उनीहरूले विभिन्न कानुनी तथा आर्थिक लाभ लिन सक्नेछन्।

लालपुर्जा प्राप्त भएपछि जग्गा बैंक तथा वित्तीय संस्थामा धितो राखेर ऋण लिन सहज हुनेछ। त्यस्तै, जग्गाको स्वामित्व स्पष्ट भएपछि भूमिसम्बन्धी विवाद निरूपण गर्न पनि सहज हुने अपेक्षा गरिएको छ।

 
 
लिङ्क सफलतापूर्वक कापि गरियो!