तराई, उपत्यका र खोँचमा तुवाँलो, शनिबार वर्षा र हिमपातको सम्भावना

तराई, उपत्यका र खोँचमा तुवाँलो, शनिबार वर्षा र हिमपातको सम्भावना

काठमाडौं । हाल नेपालमा कुनै पनि उल्लेखनीय मौसमी प्रणालीको प्रभाव नरहेको मौसम पूर्वानुमान महाशाखाले जनाएको छ ।

महाशाखाका अनुसार हाल देशको हिमाली भूभागमा आंशिक बादल लागेको छ भने तराई भूभाग, उपत्यका तथा खोँचका धेरै स्थानमा तुवाँलो लागेको छ ।

आज दिउँसो कोशी र मधेस प्रदेशमा आंशिक बादल लाग्नेछ भने बाँकी भूभागमा मौसम मुख्यतया सफा रहने महाशाखाले जनाएको छ ।

आज राति पनि कोशी र मधेस प्रदेशमा आंशिक बादल लाग्ने तथा बाँकी भूभागमा मौसम मुख्यतया सफा रहने पूर्वानुमान छ ।

शनिबार भने देशभर आंशिक बादल लाग्नेछ । कोशी प्रदेशका एक–दुई स्थानमा चट्याङसहित हल्का वर्षा तथा हिमपातको सम्भावना रहेको छ । त्यस्तै, मधेस प्रदेशका एक–दुई स्थानमा चट्याङसहित हल्का वर्षा हुन सक्ने महाशाखाले जनाएको छ ।

 
 
 
लिङ्क सफलतापूर्वक कापि गरियो!